Kryeministri Rama nuk i është shmangur pyetjeve pikante e ngacmuese së gazetarëve të Kosovës, për atë çfarë u raportua në media, se ai po punon për rrëzimin e qeverisë së Albin Kurtit. Në debat me gazetarin, Rama u shpreh shkurt dhe qartë se Qeverinë Kurti mund ta rrëzojë vetëm një protestë e Albinit. Një ditë më parë, Berisha e konsideroi një mision vizitën e kryeministrit Edi Rama në Kosovë. Në një postim në Facebook, Berisha shkruante se Rama ka dëshirë që të rrëzojë qeverinë e Albin Kurtit, e për këtë arsye është nisur këtë herë drejt Kosovës. Sipas Berishës, Rama ka marrë udhëzime nga Beogradi.
Pyetjet
Gazetari: E para ka të bëjë me ato ç’ka u deklarua në media, që ju po punoni për ta shkarkuar zotin Kurti?
Rama: Dëgjo këtu, se nuk ju përgjigja kësaj.
Gazetari: Ti mbaroj pyetjet?
Rama: Jo, të mbaroj unë pastaj ti.
Gazetari: Është e drejta jeme.
Rama: Nuk ta shkel të drejtën! Dëgjoni këtu, Qeverinë Kurti mund ta rrëzojë vetëm një protestë e Albinit, përderisa Albini nuk del në protestë kundër qeverisë së vet, nuk ka kush e rrëzon. Kështu që nuk ka lidhje kjo.
