Kreu i qeverisë Edi Rama është takuar me banorët e “5 Majit”, në ambientet hyrëse të Kuvendit, ku ata ndodheshin për të protestuar.
Ai është pritur me eufori, dhe ka zgjedhur një përfaqësi që ta fusë në Kuvend, për të biseduar me ta për prishjen e banesave.
Ndër personat që mori në Parlament ishte edhe nënë Liza, banesa e së cilës është prishur si pasojë e projekteve tek “5 Maji”.
“Tani përveç teje, kush do vijë me mua? Nuk vijnë dot 100 veta. Do vini 3 veta”, tha Rama.
Pas kësaj, protesta u qetësua dhe pritet të shihet se çfarë do të ndodhë pas këtij takimi.
Po sot, Rama ka siguruar qytetarët se askush nuk do të mbetet jashtë, dhe se kjo nuk bëhet për interes të ndonjë kompanie.
Rama thekson se edhe ata që i kanë shtëpitë pa leje do të përfitojnë shtëpi të re, me një vlerë shumë më të madhe se ajo që kanë patur.
