Nga Ura Vajgurore në vijim të takimit elektoral në këtë bashki, Rama foli ndër të tjera edhe për përgjimet e publikuara nga gazeta gjermane “Bild” për blerjen e votave, përmes bandës kriminale të Avdylajve në Shijak.
Kryeministri iu referua këtij skandali me fjalët “muhabetet e kazanit, përgjimet e neveritshme…”. Pra, ai lë të kuptohet se edhe prestigjozja gjermane “Bild’’ është kazan.
Pak më herët, prokurorja e Krimeve të Renda, Donika Prela, në një deklaratë për mediat deklaroi se me aq sa ajo ka dijeni, prokurorët e dosjes “339” nuk janë në hetim. Dalja e saj përballë gazetarëve erdhi si sqarim pas publikimit të përgjimeve nga gazeta gjermane “Bild”.
