Vetëm pak minuta para se të niste protesta e Aleancës për Mbrojtjen e Teatrit, Kryeministri Edi Rama ka pritur në zyrën e tij Ambasadoren Amerikane Yuri Kim.
Rama njofton se në qendër të këtij takimi ka qenë Reforma Zgjedhore dhe vendimi i opozitës për të braktisur tryezën e saj:
“Kemi humbur shumë kohë duke pritur miqtë që papritur e pakujtuar janë mbërthyer nga pasioni për teatrin dhe faktikisht jemi në hapat e fundit, nëse duam që të arrijmë që këtë reformë ta bëjmë funksionale në zgjedhjet e ardhshme. Dhe ky është një shqetësim i shprehur dhe publikisht dhe e kemi ndarë bashkarisht”.
