Partia Republikane e ka cilësuar një akt kriminal, votimin e ndryshimeve në Kodin Zgjedhor. Kreu i saj, Fatmir Mediu, thotë se me këtë gjest, kryeministri Rama ka volosur turpin e tij. Në këtë formë, sipas tij, kreu i qeverisë ka dëshmuar se nuk ndalet në manipulimin e zgjedhjeve në Shqipëri.
Me anë të një deklarate për mediat, thuhet se Rama është një rrezik kombëtar, ndërsa ka shkatërruar shtetin, kushtetutën, zgjedhjet e lira dhe të ndershme. Po sipas kësaj force, Rama ka sabotuar qëllimisht rrugën tonë kombëtare.
Kuvendi miratoi sot me 107 vota pro Kodin e ri Zgjedhor, i cili sjell një mori ndryshimesh në mënyrën se si zgjidhen deputetët, por edhe kufizon mundësitë për koalicione.
“DEKLARATË E PARTISË REPUBLIKANE
“Edi Rama dhe sekti i tij në një akt kriminal miratoi në një parlament antikushtetues, qesharak, të shitur dhe antikombëtar Kodin Zgjedhor, duke vulosur kështu turpin e vet, duke treguar qartë se nuk ndalet në manipulimin e zgjedhjeve në Shqipëri. Rama është një rrezik kombëtar, ka shkatërruar shtetin, kushtetutën, zgjedhjet e lira dhe të ndershme, ka sabotuar qëllimisht rrugën tonë kombëtare.
Shqiptarët do fitojnë, kjo kërkon që opozita të ndërtojë kualicion më gjithë shqiptarët në çdo qytet e fshat, në çdo qendër votimi, për të organizuar qëndresën kundër manipulimit të zgjedhjeve nga Rama dhe krimi i organizuar.
Detyra e çdo qytetari është të mbrojë lirinë e vet, të familjes dhe Shqiperinë me çdo kusht. Opozita duhet t’i prijë këtij procesi!”, reagon PR.
