Një e moshuar ka dalë për të protestuar për vrasjen e 25-vjeçarit, Klodian Rasha. E moshuara është shprehur se është “frymëzuar” për të dalë në protestë pasi ka parë dhunën e ushtruar nga Policia e Shtetit.
Ajo tha se fëmijët nuk dhunohen nga prindërit e tyre dhe jo më nga efektivët e policisë, duke parashikuar se kryeministri Edi Rama, do të ketë një fund të keq.
“Nuk rrihen fëmijët. E kam parë në televizior. Fëmijët nuk i rrahim vetë, të na i rrahin këta. Vetëm Serbi rreth Kosovarët ashtu. Nuk preket fëmija me dorë, se mezi po i rrisim me bukë, pa bukë. Do e tërheqim zvarrë. Ky është sadist kriminel,”-u shpreh e moshuara.
Ekzekutimi i Rashës shkaktoi një reagim të fortë popullor. Në orët e para të 8 dhjetorit, në ditën e rinisë, ai u qëllua për vdekje nga një efektiv i ”Shqiponjave”, pasi kishte thyer orën policore.
Për këtë arsye, Ministri i Brendshëm, Sandër Lleshaj dha dorëheqjen, por protestuesit kërkojnë edhe largimin e Drejtorit të Përgjithshëm të Policisë së Shtetit, Ardi Veliu.
