Zbulimi i të dhënave personale për rreth 910 mijë qytetarë të Tiranës, ka shkaktuar përplasjen e rradhës në politikë.
Kryeministri Edi Rama ka folur në lidhje me këtë çështje, ku u shpreh se edhe ai vetë ka një patronazhist
I ftuar në emisionin ”5 pyetje nga Babaramo”, Rama u shpreh se kjo është shumë normale, ndërsa shtoi se me këtë sistem punojnë të gjitha partitë në botë
Edi Rama: ”Patronazhistët janë në punën e tyre. Bëjnë detyrën e tyre, janë garancia e fitores sonë. Patronazhistët janë totalisht vullnetarë. Janë një figurë që është figurë kyçe e partive të organizuara dhe është një figurë e cila, besoj unë, nuk gaboj, ka marrë një rol të posaçëm edhe një, si të thuash, rol tërheqës edhe për shumë parti të tjera duke nisur nga partitë e mëdha amerikane, Partia Republikane dhe Partia Demokrate. Edhe unë kam patronazhist, pasi ndarja e të gjithë listave të votuesve, bëhet në mënyrë automatike dhe patronazhistëve u caktohet një numër i caktuar votuesish, të cilët mund të më kenë mua në patronazh apo Gramoz Ruçin.”
