Rama e thotë sërish: Nëse nuk marr 71 mandate, largohem nga PS-ja

Kryeministri Edi Rama i ka mbyllur derën sërish një bashkëpunimi të mundshëm me PD dhe LSI nëse nuk merr 71 mandate në zgjedhjet e 25 prillit për të krijuar qeverinë.

I ftuar në emisionin ”Opinion”, Rama u shpreh se nuk do të formojë qeveri nga halli, dhe nuk do të jetë më në krye të Partisë Socialiste.

Pjesë nga biseda

Blendi Fevziu: Kush është kufiri që ju ndan?

Edi Rama: Nëse s’ka një mandat të qartë unë nuk jam. Nëse duhet të ndërtoj një shumicë qeverisëse nga halli, unë nuk jam.

Blendi Fevziu: Nëse ju keni 71 vota nuk do jeni më kryetar i PS?

Edi Rama: Norma në demokraci është që partia e parë është partia fituese. Dhe normalisht ai që ka numrin më të madh të votave, merr mandatin. Ai figura, shoku im atje në Hagë, e ka mandatin e katërt…Merr 23% dhe ka 6 muaj rri i rrotullon ata, i bën. Nëse unë nuk kam mandatin e qartë për të bërë realitet projektin, për t’u thënë shqiptarëve: më jepni 4 vjet t’ju jap një Shqipëri tjetër, unë nuk jam. Ti realizon ëndrrën, “Rama ik”.