Kryeministri Edi Rama e ka nisur ditën e sotme me një falenderim për bluzat e bardha, të cilat ndodhen në vijën e parë të luftës kundër koronavirusit.
“MIRËMËNGJES
dhe njëmijë herë faleminderit atyre që po e zmbrapsin armikun në vijën e zjarrit”, shkruan Kreu i Qeverisë krah një videoje të publikuar në rrjetin social Facebook.
Kujtojmë se kryeministri ka njoftuar se nga e hëna, fasha orare do të zgjatet deri 17.30 dhe autorizimet për leje-dalje për pazar do të jenë 90 minuta.
Ndërkohë nga “dita e sotme në 13.00 deri të hënën në 05.00 gjithçka do të jetë e mbyllur dhe të gjithë në shtëpi”, udhëzon Rama.
COVID-19 prej disa javësh ka mbërritur edhe në Shqipëri duke shkaktuar 23 viktima.
Virusi misterioz ka marrë me mijëra jetë njerëzish në shumë shtete të botës dhe është kthyer në një kërcënim serioz për njerëzimin.
Situata paraqitet më shumë kritike në Itali, SHBA, Spanjë, Britani, Francë, etj.
Shkencëtarët po vijojnë përpjekjet për gjetjen e një vaksine, që pritet t’i japë fund këtij “makthi”.
