Sot në orën 11:00, kryeministri Rama do ti drejtohet Presidencës. Kreu i qeverisë ka pranuar ftesën e Metës, dhe do të jetë aty bashkë me Sekretarin e PS, Taulant Balla. Rama do të takohet me presidentin Meta për t’u konsultuar në lidhje me një datë të mundshme të mbajtjes së zgjedhjeve parlamentare, në periudhën 15 prill deri më 15 maj 2021.
Pas PS, në Presidencë radhën e ka Partia Demokratike, e cila pritet të udhëhiqet në këtë takim nga kryetari Lulzim Basha. Ky i fundit sot në orën 12:00 pritet të jetë prezent në tryezën e thirrur prej kreut të shtetit, për konsultimin e datës së zgjedhjeve parlamentare të vitit 2021. Dhe në 12:30 do të zhvillojë takim me zv.kryetarin e LSI, Luan Rama ose Petrit Vasilin.
Më pas drejt institucionit të kreut të shtetit pritet të shkojnë edhe përfaqësues të tjerë të partive politike, dhe përfaqësues të grupeve parlamentare si deputetja Rudina Hajdari. Kjo e fundit do të jetë në Presidencë sot në orën 17:30. Ku do të paraqesë propozimin e saj për datën kur qytetarët do të shprehin vullnetin e tyre me votë për përfaqësuesit në Parlament, e cila para se të marrë një vendim është konsultuar në rrjetet sociale edhe me qytetarët.
