Kryeministri Edi Rama dhe homologu malazez Dritan Abazoviç kanë mbërritur në kryeqytetin e Ukrainës. Vetë Abazoviç ka shpërndarë në rrjetin social Twitter një foto nga rrugët e Kievit.
Abazoviç shkruan në mbishkrimin e fotos se është në Kiev së bashku me kryeministrin shqiptar, për të ofruar mbështetjen e sinqertë për popullin ukrainas në luftën për liri.
“Mbërritëm në Kiev me Edi Ramën për të ofruar mbështetje të sinqertë për qytetarët e saj, në mbrojtjen e të drejtës për liri. Mali i Zi do të vazhdojë të ndihmojë Ukrainën në këtë kohë të vështirë dhe katastrofë humanitare”, shkruan Abazoviç në Twitter.
