Kryeministri Edi Rama ndodhet në Kiev së bashku me homologun e tij malazez Dritan Abazoviç. Kreu i qeverisë shqiptare, Edi Rama shoqërohet nga Ministrja e Shtetit për Marrëdhëniet me Parlamentin, Elisa Spiropali. Ata kanë vizituar fillimisht qytetin e Borodyanka-s për të parë nga afër dëmtimet që kanë shkaktuar bombardimet ruse. Vlen të thjeksohet se përpos forcave të sigurisë ukrainase, pranë tyre ndodhen edhe trupa të ushtrisë shqiptare.
Kryeministrat Rama dhe Abazoviç udhëtuan 12 orë me tren nga Pshemishit i Polonisë për në Kiev. Ata do të priten ditën e sotme nga presidenti Zelensky. Ndër zonat e luftës që do të vizitojnë është edhe ajo e Irpin.
Kryeministri Edi Rama ndodhet sot në Kiev, Ukrainë, me ftesë të presidentit të vendit Volodymyr Zelenskyy.
Kryeministri Rama, i cili në këtë vizitë është së bashku me Kryeministrin e Malit të Zi Dritan Abazoviç, do të vizitojnë zonat e bombarduara, si dhe më pas ekspozitën me dëshmi të luftës ruso-ukrainase.
Rama dhe homologu i tij i Malit të Zi do të priten në takim nga presidenti i Ukrainës, Volodymyr Zelenskyy, takim që do të pasohet nga konferenca e përbashkët për shtyp e kryeministrit Rama, kryeministrit Abazoviç dhe presidentit Zelensky.
