Nënkryetari i Partisë Demokratike, Edi Paloka reagoi ndaj bojkotit që i bëri kryeministri Edi Rama fjalimit të presidentes së Kosovës, Vjosa Osmani sot në Kuvend.
Paloka shprehet se ky është një akt i turpshëm që nuk ka ndodhur kurrë në Shqipëri.
Sipas tij, Rama ka tradhëtuar vlerat e kombit për të disatën herë dhe kjo gjë s’mund të falet.
”Eshte e turpshme qe Rama bojkotoi sot fjalimin e Presidentes se Kosoves ne parlament. Kio nuk ka ndodhur kurre ne Shqiperi dhe eshte nje akt i shemtuar politik dhe jo vetem i shtyre nga ata qe Rama i konsideron partnere te tij ne Ballkan. Edi Rama tradhetoi sot vlerat e kombit dhe per fat te keq nuk eshte hera e pare qe e ben kete. Motivet politike dhe personale qe e shtyne ta beje kete akt jane te pafalshme.’’, shkruan Paloka në rrjetin social, Facebook.
