Rama edhe sot u shpreh i vendosur se nuk do të ketë zgjedhje të parakohshme, ndërsa tregoi edhe arsyen se përse e mori vendimin që të injorojë ish-deputetët e opozitës në studiot televizive. Ai tha para qytetarëve në Lushnje, se opozita e braktisi betejën në Kuvend, pasi duan vetëm tym e kaos. Kjo për një arsye mjaft të thjeshtë, pasi zgjedhjet nuk i fitojnë dot.
“Nga çfarë mund të tërhiqemi nga kontrata që kemi me ju? Që na dhatë votën të qeverisim të vetëm?! Ne nuk mund të tërhiqemi nga ky detyrim, apo që kemi marrë për ta çuar deri në fund reformën në drejtësi, aty fle lepuri i madh i frikës, i atyre që vijnë te Parlamenti për të protestuar.
Ndërkohë që ishin në Parlament, se i gënjen mendja se kur të japin llogari do të fshihen mes popullit. Ata zgjodhën të ikin, ne u urojmë udhë të mbarë, por do të pendohen se udha e tyre është e mbrapsht.
Shqiptarët nuk kanë humbur asgjë. Ne kemi zgjedhur që të bëjmë asnjë debat me ata në asnjë vend. Debate shterpë, shajë dhe shpif, që meruan familjet shqiptare. Ne nuk kemi debat me ata, por njerëzit, ata nuk janë opozita jonë, por hallet dhe njerëzit.
Ata e braktisën fushë betejën e ideve në Parlament, jo vetëm ata duan rrëmujë, tym, mjegull, kaos. Ata e dinë se zgjedhjet me ne nuk i fitojnë dot”, përfundoi Rama.
Opozita rrethon Kuvendin/Rama në Lushnje: I vetmi me dy pare mend na doli Murrizi (video)
