Pasditen e sotme ka nisur punimet Kongresi Zgjedhor i Partisë Socialiste, ku disa nga aktorët politikë më të rëndësishëm mbajtën fjalimet e tyre.
Ndërkohë, kryeministri Edi Rama gjatë fjalës së tij, nuk ngurroi që t’i shprehte bashkëshortes Linda Rama disa komplimente.
“Falë Lindës shtëpia jonë është antisizmike. Bashkëshortja ime është opozita ime më e fortë. Falë saj, nuk kam qenë kurrë vetëm, realisht! Lindës i është dashur edhe të përballojë baltën e mëhallës, por ky është çmimi i lartë që duhet të paguhet kur vendos të merresh me politikë në këtë vend. Na ra hisja të kemi llojin më të ulët të konkurrentëve.
Jam i frymëzuar nga ajo që tha Besa (Ministrja e Arsimit Besa Shahini) për futjen e teksteve të detyruara feministe nëpër shkolla, por nga e thëna në të bërë në mes janë burrat, jo deti”, deklaroi Rama.
Në vijim foli edhe për Kryetarin e Kuvendit, Gramoz Ruçin, të cilin e cilësoi si shokun më të mirë në Partinë Socialiste.
