Kryeministri Edi Rama ditën e sotme ka anuluar prezantimin e kandidatit të PS-së Rakip Suli në Kamëz.
Takimi ishte paralajmëruar për sot në orën 17:00, mirëpo vetë Rakip Suli përmes një statusi në rrjetin social Facebook ka bërë me dije se për shkak të ndryshimit të agjendës së Ramës, takimi do të shtyhet për një moment të dytë.
“Të dashur bashkëqytetarë, mbështetës të Partisë Socialiste dhe mua si kandidat për Kryetar i Bashkisë Kamëz, dëshiroj t’ju informoj se takimi i planifikuar për sot do të zhvillohet në një moment tjetër për shkak të ndryshimit të agjendës së kryeministrit tonë Edi Rama. Ju faleminderit për mirëkuptimin”, shkruan Suli.
Pas vendimit të presidentit Meta për anulimin e zgjedhjeve, Rama ka mbledhur sot Kryesinë e Partisë Socialiste, e menjëherë pas kësaj, ka zhvilluar një takim në Kryeministri me ambasadorët.
