Kryeministri Edi Rama ka prezantuar kandidatët për deputetë të Partisë Socialiste, të cilët do të kandidojnë në qarkun e Shkodrës, për zgjedhjet parlamentare të 25 prillit.
Gjatë fjalës së tij, Rama u shpreh se në Shkodër janë realizuar disa projekte, por mund të ishin bërë edhe më shumë.
Kreu i qeverisë fajësoi kryetaren e bashkisë, Voltana Ademin, pasi sipas tij ajo është bërë pengesë për shumë projekte të qeverisë.
Edi Rama: ”Për shkak të murit të bllokimit të ngritur nga Bashkia e Shkodrës, që nga rruga Shkodër-Velipojë e premtuar nga shumë dhe në shumë dekada dhe e realizuar më në fund nga ne. Te stadiumi i Shkodrës, ku u skandalizova nga pamja e turpshme e krejt asaj që mund të shihje nga jashtë. Muret krejt pjesa e gardheve të sigurisë, mjedisi, pisllëk. E pra, nuk kishte se si të ndodhte ndryshe, dhe kjo qe arsyeja pse në krye të herës së bashku me FSHF kërkuam që në krye të herës që stadiumi të mos menaxhohej nga Bashkia, duke e ditur paditurinë therrëse të personit që menaxhon Shkodrën”.
