Kryeministri i vendit Edi Rama ditën e sotme gjatë fjalës së tij në foltoren e Kuvendit ka hedhur akuza ndaj Kreut të Shtetit Ilir Meta. Ai theksoi ndër të tjera se presidenti i vendit e ka shkelur Kushtetutën më shumë se një herë dhe se ka tentuar të destabilizojë qeverinë.
“Nuk ja ka kaluar njeri testin e shëndetit mendor? Mos ky njeri është i ikur nga mendja e kokës. Sëmundja e këtij kreu shteti është ajo e personazhit të Dostojevskit, i cili gënjen veten për të gënjyer të tjerët, si i tillë ai nuk është gënjeshtar, por i sëmurë. Njeriu vjen në një pikë si Ilir Meta, ku mbaron përjetimi i botës brenda kokës së vet, dhe ku fillon bota jashtë rradakes së tij.
Nëse Ilir Meta mund t’ia lejojë vetes të ngatërrojë tërë dynjanë nga imagjinata e tij e tërbuar, kalon në Tropojë dhe i duket sikur kalon në burgun e Spaçit. Ky Parlament s’mund t’ia lejojë vetes të mbyllë sytë përballë këtij burimi destabiliteti rajonal dhe komedie ndërkombëtare. Ilir Meta e ka shkelur Kushtetutën më shumë se një herë, ai ka tentuar të destabilizojë qeverinë, me vendime arbitrarisht. Ilir Meta nuk e ka mbushur kupën, ai e ka derdhur”, tha Rama.
