Kina pritet të paraqesë në një paradë ushtarake një raketë bërthamore, të quajtur “Dongfeng 41”, e cila do të mund t’i godiste Shtetet e Bashkuara për 30 minuta. Në paradën që mbahet me rastin e 70-vjetorit të Partisë Komuniste të Kinës, ushtria kineze do të paraqesë një sërë armësh të reja përfshi edhe një një dron supersonik dhe një nëndetëse robotike.
Ushtria Çlirimtare Popullore e Kinës është forca më e madhe ushtarake në botë. Ajo përbëhet nga dy milionë burra dhe gra në uniformë dhe zë vendin e dytë në botë sa i përket shpenzimeve, pas ushtrisë së Shteteve të Bashkuara. Ushtria kineze është duke zhvilluar dhe prodhuar edhe modele të reja të aeroplanëve luftarakë, aeroplanmbajtësen e parë kineze dhe nëndetëse me armë bërthamore.
