Intervista për “Tempora” në RTV Ora e Raffaele Lorusso, Sekretar i Përgjithshëm i Federatës Kombëtare Media Italiane.
Këtë javë në Shqipëri nis diskutimi në parlament i propozimit të qeverisë shqiptare mbi një paketë ligjore anti shpifje e anti fake news në media.. FNSI pak ditë më parë doli me një notë zyrtare e me një qëndrim publik dhe të vetë Ju si Sekretar i Përgjithshëm i saj. Cili është denoncimi që Ju bëni?
Raffaele Lorusso – Ne e bëjmë tonin apelin e kolegëve tanë shqiptarë pasi mendojmë se ky propozim ligjor që ka si qëllim t’i mbyll gojën medias e që i ndalon gazetarët të bëjnë punën e tyre, e kryesisht që i ndalon të bëjnë investigime, të bëjnë pyetje jo komode. Mendojmë se me pretekstin e fake neës, pra për ta luftuar fake neës, i lihet dorë e lirë këtij autoriteti publik, që në të vërtetë është emëruar nga qeveria, për të mbyllur portalet online e për t’i detyruar të heshtin. Qëllimi është pikërisht ky, të detyrojnë të heshtin të gjithë gazetarët që nuk janë të linjëzuar e të gjithë mediat që nuk janë të linjëzuara me ta (me qeverinë). Është një normativë e papranueshme, është një normë që bie kundër me deklaratën universale të të drejtave të njeriut, kundër me të drejtën e të gjithë qytetarëve për të qenë të informuar, Për këtë qëllim Federata Kombëtare e Medias Italiane së bashku me Konfederatën Internacionale të gazetarëve, i kërkon institucioneve europiane, këshillit europian ku bën pjesë dhe Shqipëria, por dhe OSBE, që deri në këtë moment ka heshtur të ndërhyjnë, ashtu siç duhet të ndërhyj dhe vetë Bashkimi Europian, duhet të ndërhyjnë dhe qeveritë e vendeve të BE, pasi Shqipëria është një vend që aspiron të hyj në Bashkimin Europian e negociatat për pranimin e saj nuk duhet të jenë vetëm të fushës ekonomike, financiare, o raporte tregtare. Nuk mund të mendohet se mund të hyjë në Europë kush mohon lirinë e shprehjes e lirinë e medias.
Ju si Federatë FSNI keni patur sinjalizime konkrete mbi këtë rrezik të lirisë së medias në Shqipëri?
Raffaele Lorusso: Ne iu bashkuam apelit që na erdhi nga kolegët tanë shqiptarë e jemi gati ta mbështesim në çdo vend (seli, qëndër, institucion), si dhe jemi gati të marrin pjesë në të gjitha iniciativat e tyre publike që mund të organizohen si në Shqipëri ashtu dhe në Bruksel.
Në fakt në deklaratën zyrtare të FSNI, theksohen dhe denoncime konkrete si rasti i kryetarit të Bashkisë së Tiranës Erion Veliaj, i cili nuk lejon gazetarët të marrë pjesë në eventet e tij , po ashtu dhe qeveria. Pra janë denoncime konkrete…
Raffaele Lorusso: Ne na është sinjalizuar se prej kohësh gazetarëve u ndalohet të ndjekin iniciativat e kreut të qeverisë ashtu dhe të kryetarit të Bashkisë së Tiranës, ashut siç na është sinjalizuar dhe se në Shqipëri, ne nuk jemi në Shqipëri por na është sinjalizuar pra se tashmë janë shkrirë konferencat e shtypit, pasi në to nuk ishte e mundur të bëhen pyetje.
Po çfarë këshillash i jepnin ju si FNSI kolegëve shqiptarë?
Raffaele Lorusso: Këshilla jonë për ta është që të mos dorëzohen e të vazhdojnë të denoncojnë këto raste e këto episode. Ne mendojmë se Bashkimi Europian nuk mund të kthej kokën nga ana tjetër (pra të bëj sikur nuk po ndodh asgjë) dhe për shumë kohë.
Pra për ta theksuar FNSI – Federata Kombëtare e Medias Italiane është e mendimit se ky ligj vë në rrezik lirinë e medias në Shqipëri?
Raffaele Lorusso: Absolutisht po pasi në momentin kur një autoritet publik ka fuqinë të mbyll një media informative qoftë ky dhe një portal online, kjo paraqet një mbyllje goje të medias.
Në fund të bisedës me Ju, pas këtij aksioni, pra pas kësaj note zyrtare të FNSI, do të ketë një vazhdim pra një hap tjetër konkret së bashku me kolegët shqiptarë?
Raffaele Lorusso: Natyrisht ne do të vazhdojmë t’i mbështesim.
