Kryetarja e LSI, Monika Kryemadhi mëngjesin e sotëm vizitoi disa biznese të vogla në Njësinë numër 5 Tiranë.
Të shumtë ishin qytetarët të cilën shprehën problematikat e tyre. Një qytetare I tha Kryemadhit se ka pasur vëllan të shtruar në spital dhe se paguanin lekë, përndryshe stafi shëndetësor do e linte të vdiste.
“Unë kam qenë gjithmonë në anën tuaj. Këto nuk i kam dashur asnjëherë. Këto janë selektive, vijnë këtu për një vazo lulesh që vënë në rrugë, vënë 50 mijë lekë gjobë. Nuk e lënë rininë të punojë. I kanë dhënë stres. Nuk di rinia nga të shkojë. Shkoj punoj atje marr vetëm 100 mijë lekë. Kjo është një qeveri e poshtër dhe kurrë mos i lini të vjedhin votën. Në spital kam qenë kam pasur vëllain atje, turni i parë, turni i dytë, turni i tretë vetëm lekë paguanim se ndryshe e linin të vdiste. Siç e vdiqën një person dhe isha aty prezente. Dhe i thashë trup të keni sepse ju nuk punonin me djersë. Kudo ku shkojmë duan lekë.”, tha ajo.
Kryemadhi iu përgjigj qytetars duke i thënë se kjo qeveri duhet të rrëzohet, ndaj të gjithë duhet të shkojnë në votime.
”Edhe ne duhet të shkojmë në kutitë e votimit. Dhe prandaj duhet ta rrëzojmë, që mos ti shkojë më në mendje njeriu që të bëjë këto gjëra.”, u shpreh kryetarja e LSI.
