Ndërkombëtarët gjithmonë e më tepër i mëshojnë fort faktit për zbatimin e Reformës në Drejtësi. Ata s’janë aspak të lëkundur, e po kështu nuk lejojnë sulmet politike.
Ambasada e SHBA-së në Tiranë, duke cituar ambasadoren Yuri Kim, shprehet se ka ardhur koha që të gjithë udhëheqësit të tregojnë vullnet politik dhe të ngrenë Gjykatën Kushtetuese.
Në njoftimin në fjalë thuhet se Reforma në Drejtësi ka përparuar, por ende ka punë për tu bërë në këtë drejtim.
Njoftimi
Reforma në drejtësi ka bërë përparim të prekshëm por kërkon ende punë… ka ardhur koha që të gjithë udhëheqësit të tregojnë vullnet politik dhe të ngrenë Gjykatën Kushtetuese. Qytetarët nuk duhet të presin”. Ambasadorja Yuri Kim në intervistën e saj të parë prej emërimit në Shqipëri. Ndiqni Ambasadoren Kim teksa diskuton prioritetet e saj, udhëheqjen e SHBA në ndihmën globale, lirinë e medias në Shqipëri, marrëdhëniet SHBA-Shqipëri, dhe më shumë. Sonte, ora 19:00, në Euronews!
