Shumë video u bënë virale, ku dëshmonin frikën e qytetarëve të cilët prisnin në radhë për të blerë ushqimet për jetike, pas dy rasteve të infektuar me koronavirus.
Kjo shtoi edhe më tej frikën, duke dhënë shembuj të gabuar, e madje hera-herës duke e krahasuar situatën me Italinë. Por në fakt realiteti është shumë ndryshe.
Madje tregtarët kanë treguar se paniku më i shtuar ka qenë ditë më parë, pas rasteve në shtetin fqinj, Itali. Ndodhur në kushtet kur paniku ishte në nivele alarmante, shumë qytetarë nisën të kryejnë blerje në masë, pasi mësuan për koronavirusin.
Siç duket, ky fenomen zgjati vetëm pak ditë. Aktualisht në shumë dyqane në Tiranë ka furnizim normal me ushqime. Për momentin, në Shqipëri janë të paktë qytetarët që janë kujdesur të furnizohen me ushqime.
