Një 21-vjeçar ka rënë në pranga të Policisë së Tiranës pasi qarkullonte me armë pa leje.
Bëhet fjalë për shtetasin me iniciale A.C., 21 vjeç, banues në Tiranë, i cili është denoncuar nga qytetarët.
Gjatë një kontrolli të ushtruar nga policia, të riut i është gjetur në çantë një armë zjarri automatike, dy krehra dhe një sasi fishekësh të cilat u sekuestruan në cilësinë e provës materiale.
“Për shtetasin e lartpërmendur policia ka marr informacione nga qytetarët se lëvizte në kryeqytet me armë zjarri. Nga shërbimet e policisë të komisariatit nr4 është organizuar punën për kapjen e tij. Ky shtetas është konstatuar në rrugën “Fadil Deliu” dhe gjatë kontrollit të ushtruar i është gjetur në çantë një armë zjarri automatike, dy krehra dhe një sasi fishekësh të cilat u sekuestruan në cilësinë e provës materiale”, njofton policia.
Materialet i kaluan për veprime të mëtejshme Prokurorisë së Rrethit Gjyqësor Tiranë.
