Ndër rregullat që ka prezantuar Rama pak më herët lidhet me oraret e vetë-izolimit, e nëse ato shkelen, qytetarët përballen me gjobat. Të gjunjëzuar para koronavirusit vdekjeprurës, qeveria shqiptare ka marrë masa të rrepta. Të gjithë qytetarët që duan të lëvizin për punë, në oraret e përcaktuara, duhet të bëjnë deklarimin e tyre në Policinë e Shtetit.
Të gjithë personat të cilët nuk e kanë shkëputur marrëdhënien me punën, mund të dorëzojnë formularin për aprovim nga ana e autoriteteve të policisë në adresën që është hapur për të bërë procesin më të lehtë.
Njoftimi
Sqarim i Policisë së Shtetit Nisur nga fluksi i madh i telefonatave të qytetarëve drejt numrave të dedikuar 069 41 22223 dhe 069 41 22224, si dhe nga email-et shumta të ardhura në adresën e dedikuar: [email protected], për akreditim apo informacione të ndryshme në lidhje me masat kufizuese për mospërhapjen e COVID-19, sqarojmë gjithë qytetarët se:
Të gjithë pronarët e bizneseve prodhuese apo ata që ofrojnë shërbime për qytetarët, të cilët duan të akreditojnë automjetet për lëvizje personeli apo mallra brenda qarkut, të mos dërgojnë email në adresën [email protected] dhe as të mos telefonojnë në dy numrat e dedikuar, por t’i drejtohen Sektorit të Policisë Rrugore të qarkut ku kanë vendbanimin dhe ushtrojnë aktivitetin e tyre. Ndërsa ata pronarë apo administratorë që kanë aktivitet/biznes edhe jashtë qarkut, si dhe ata që banojnë në qarkun Tiranë, të vazhdojnë të bëjnë kërkesa për akreditim nëpërmjet email-it [email protected] dhe dy numrave të dedikuar. Orari i lëvizjes 06:00 deri 08:00 dhe në mbasdite 16:00 deri në 17:00 nuk është për lëvizjen e lirë të qytetarëve, por për personelin/ punonjesit e ndërmarrjeve prodhuese, të cilët do lejohen të kenë aktivitet, sipas konfirmimeve të bëra nga Policia e Shtetit, si dhe për punonjësit e institucioneve shtetërore të pajisur me dokument identifikimi të institucionit. Në këto orare nuk do lejohet lëvizja e lirë e qytetarëve me automjete private. Punonjësit e Policisë së Shtetit, ata të Policisë së Burgjeve, të SHPSF-ve, personeli shëndetësor dhe gazetarët lejohen të qarkullojnë në oraret e ndërrimit të turneve, duke patur me vete dokumentim e lëshuar nga institucioni ku punojnë. Automjetet e firmave prodhuese dhe furnizuese, kadet, furgonçinat, kamionçinat dhe kamionët lejohen të lëvizin në çdo moment, por duke argumentuar lëvizjen me faturat e shpërndarjes së mallit apo të furnizimit me mall. Për urgjenca mjekësore, personat të telefonojnë në numrin 129/112 dhe në dy numrat e dedikuar, duke bërë prezent problemin për lëvizjen që kërkojnë. Policia e Shtetit apelon për të gjithë drejtuesit e automjeteve që nuk janë të përfshirë në listën që u lejohet të qarkullojnë, të respektojnë me rigorozitet kufizimet dhe të mos dalin në qarkullim, pasi dalja i penalizon me 3 vjet të heqjes së Lejes së Drejtimit.
Për të deklaruar lëvizjen tuaj me automjet, fillimisht duhet të plotësoni këtë formular.
‘Nëse bëni shkelje të qarkullimit të makinave, drejtuesi i mjetit dënohet me heqje të patentës për 3 vjet dhe sekuestrim të automjetit.
Oraret kur mund të lëvizni me makinë personale është 07:00-08:00 dhe 16:00-17:00.
Masa janë marrë edhe për këmbësorët, të cilët nuk duhet të lëvizin pas orës 18:00′.
Bluzat e bardha thonë se vetëm vetë-izolimi do të sigurojë frenim të përhapjes së virusit në popullatë. Ekspertët e Shëndetësisë vlerësojnë se shifrat e të prekurve do të rriten.
Për të përballuar situatën, Shqipëria i ka kërkuar ndihmë për pajisje mjekësore Kinës, vendit që po e fiton betejën me koronavirusin. Po kështu, mjeku infeksionist Pëllumb Pipero ka paralajmëruar se në këtë javë, por edhe javën tjetër, pritet që shifrat të rriten me ritëm më të shpejtë.
