Qeveria holandeze i ka kërkuar falje komunitetit hebre për veprimet gjatë Luftës së Dytë Botërore. Në ditën botërore të Holokaustit, kryeministri Mark Rutte drejtoi një ndjesë për 140 mijë hebrenj për të cilët qeveria holandeze ishte përgjegjëse. Ata u dërguan të gjithë në kampet e përqëndrimit.
“Tani që të mbijetuarit e fundit janë akoma midis nesh, kërkoj falje në emër të qeverisë”, tha Rutte.
Kjo është hera e parë që Holanda kërkon falje për persekutimin e hebrenjve në Holandë dhe dëbimin e tyre masiv në kampet e shfarosjes. Madje, vet kryeministri Rutte deklaroi në vitin 2012 se nuk kishte arsye të kërkonte falje.
“Varet nga ne, brezat pas luftës, të vazhdojmë të përkujtojmë, nderojmë të rënët, emrin për emër”, shtoi Kryeministri.
