Kancelarja gjermane Angela Merkel, ka shprehur shqetësimin për ecurinë e pandemisë në Gjermani, teksa numrat e infektimeve po stabilizohen shumë ngadalë. Ky është qëndrimi i shprehur prej saj pak para takimit me presidentët e landeve gjermane, të thirrur për të analizuar efektet që kanë pasur shtrëngimet e deritanishme për frenimin e pandemisë në territorin federal. Mediat e huaja raportojnë se pritet që kancelarja të kërkojë imponime të metejshme masash shtrënguese.
Qeveria gjermane pritet të ashpërsojë masat kundër përhapjes së Covid-19. Plani i ri i kancelares parashikon izolimin në karantinë të personave që shfaqin edhe simptomat më të lehta të Covid-it, si kolla apo rrufa.
Gjermania po aplikon karantinën e pjesshme, ku ka mbyllur vetëm aktivitetet argëtuese dhe kulturore, por pritet që masat të përfshijnë edhe mbajtjen e detyrueshme të maskave në shkolla.
