Qeveria Kurti ka marrë votat e mjaftueshme në Kuvendin e Kosovës. Ishin 86 deputetë që votuar pro qeverisë së re, dhe 10 abstenime. Lidhur me këtë ngjarje të rëndësishme, një reagim është përcjellë nga ana e Presidentit të Kosovës, Hashim Thaçi. Teksa ka uruar kabinetin e ri qeveritar, ai ka kërkuar që të fillojnë sa më shpejt punën për përmbushjen e premtimeve të dhëna ndaj qytetarëve.
“E mirëpres votimin e sotëm të deputetëve të Kuvendit të Republikës së Kosovës për krijimin e Qeverisë së re. Duke uruar kabinetin e ri qeveritar, i ftoj të fillojnë sa më shpejt punën për përmbushjen e premtimeve të dhëna karshi qytetarëve, duke kompensuar ditët e humbura dhe vazhduar angazhimin institucional për përmirësimin e jetës së qytetarëve tanë.
Republika e Kosovës ka sfida të shumta përpara të cilat mund të tejkalohen vetëm me punë, me përkushtim, me përgjegjësi dhe përgjegjshmëri shtetërore. HTH”.