Ish-ministri i Drejtësisë, Ylli Manjani, shprehet mjaft optimist për propozimin e Palmer, për të ngritur një Akademi të Transparencës në Shqipëri. Manjani thotë se pa transparencë nuk ka vendimmarrje të drejtë e të përgjegjshme. E për rrjedhojë, askush nuk jep para për tendera sekretë dhe pa garë.
Në përmbyllje të Konferencës së Donatorëve, Rama dhe Presidentja e KE-së zhvilluan një konferencë për shtyp me median. Kreu i qeverisë deklaroi se të gjitha fondet e dhuruara, do të monitorohen nga një strukturë që Rama e quajti ‘Akademia e Transparencës’.
Statusi
Nuk para e vlerësoj zotin Palmer, por nuk i heq asnjë presje propozimit të Tij për “Akademi të Transparencës”.
I couldn’t agree more!
Fiks ajo që i mungon qeverisjes TRANSPARENCA.
Pa transparencë nuk ka vendimmarrje të drejtë e të përgjegjshme. Nuk jep askush para për tendera sekretë dhe pa garë. As për PPP e Koncensione pa leverdi.
Shpresoj që Akademia e Transparencës të mbulojë të gjitha sektorët e tjerë.
Dhe po, shumë Faleminderit SHBA që ka kapur demin nga brirët këtë radhë me ato 5 milionë Dollarë ndihmë për Transparencën, Historinë e Shqipërisë dhe me trajtimin e emergjencave nga Kryqi i Kuq.
Pra asnjë kacidhe ndihmë për qeverinë siç pretendon propaganda.
Një ditë më parë, Ambasada e SHBA në Tiranë publikoi fjalimin e zyrtarit të DASH, Mathew Palmer, i cili ishte i pranishëm në emër të qeverisë së SHBA në Konferencën e Donatorëve, për pasojat e tërmetit në Shqipëri.
Duke vlerësuar marrëdhëniet mes dy vendeve dhe ndihmën që ka dhënë SHBA për Shqipërinë, Ambasada veçon në postimin e saj në Facebook, pjesën e fjalimit të Palmer, ku flitet për transparencën e fondeve që ju dhurua Shqipërisë.
