Tërmeti që tronditi vendin mëngjesin e 26 nëntorit ka shkaktuar 50 viktima.
Pasojat e tij janë shkatërruese dhe për fat të keq ende populli shqiptar është i përfshirë nga paniku.
Përmes një mesazhi, gjeologu Sazan Guri ka qetësuar të paktën banuesit në kryeqytet, si dhe zonën e Durrësit.
MESAZHI I PLOTË:
Pse duhet te jemi të qetë tani pas tërmetit?!
Fillojmë me Tiranën dhe tiranasit.
1. Tirana nuk është zonë sizmike.
2. Tirana ka shtresë lëkundëse (sedimente të shkrifta të kuaternarit jo shkëmbore, 2 milion-vjeçare), jo të trashë (rreth 20-30m).
3. Tirana ka shtresë të fortë mbajtëse nën 20m me shkëmbinj të moshës Mesianin 7-8 milion vjeçare rreth 1500m që zbut ose mban lëkundjet.
4. Tirana vuan jehonën e tërmeteve që vijnë nga zonat tektonike Durrës, Elbasan dhe Shkodër, që dtth ajo nuk gjeneron vetë Tërmete.
5. Tërmetet që vijnë nga këto zona tektonike nuk mund të jenë më të mëdhenj se ata që kishim.
6. Tërmetet që vijnë nga përplasja e pllakave mund të japin tërmete më të mëdha se kjo që kishim., si në Kili, në Japoni ose në rrethin e zjarrtë, po jo të japin zonat tona tektonike të mësipërme.
7. Tërmetet janë në zbutje dhe në kohë shumë më të vogël, kujdes në kohë shumë më të vogël dhe me ndërtime në Tiranë pa shenja çarje, që dtth fli i qetë të paktën ti o Tiranas.
Ç’duhet të fiksojmë fort?
1. Historia e tërmeteve nuk njeh termet të tretë.
2. Tërmetet vijnë në shuarje.
3. Tërmetet u gjunjëzuan para ndërtimeve me standarde.
4. Tërmeti në Durrës do kohën prej të paktën 90 vjet që të grumbullojë po këtë energji.
5. Mblidhni mendjen për fëmijët, se sindroma apo sëmundja pas tërmetit është më e keqe se vetë tërmeti.
6. Besojini ekspertit gjeolog se është e vetmja fushë me gjerësi bashkëpunimi dhe jo shkencë individuale dhe jo deliranteve.
