Presidenti rus, Vladimir Putin ka urdhëruar që vaksinimi masiv kundër Covid-19, të fillojë javën e ardhshme për popullsinë vendase. Të parët të cilët do të vaksinohen me vaksinën ruse, Sputnik V, janë mjekët dhe mësuesit.
Urdhri erdhi disa orë pasi Britania u bë vendi i parë perëndimor, që lëshoi miratimin e përdorimit të përgjithshëm për vaksinën e Pfizer-BioNTech duke filluar javën e ardhshme, shkruan ”The Moscow Times”.
“Le të biem dakord për këtë, nuk do të më raportoni javën tjetër, por do të filloni vaksinimin masiv, le të fillojmë punën tashmë,” i tha Putini Zëvendës Kryeministres Tatiana Golikova.
Путин попросил начать массовую вакцинацию от коронавируса в России в конце следующей недели. Голикова осторожно предложила сначала доложить о готовности, но нет. “Давайте вы не доложите, а начнете”. pic.twitter.com/ZUnyVEWCOO
— Кремлевский пул РИА (@Kremlinpool_RIA) December 2, 2020
Putin tha se rreth 2 milion doza të vaksinave Sputnik V, janë prodhuar tashmë, duke lejuar mjekët dhe mësuesit rusë të marrin dozat e menjëhershme.
Rusia ishte vendi i parë që zhvilloi një vaksinë anti-covid në gusht, megjithëse provat klinike Sputnik V nuk ishin të plota. Zhvilluesit e saj që nga ajo kohë kanë shpallur një normë të efikasitetit 95%, bazuar në rezultatet e ndërmjetme të provave të Fazës 3.
