Udhëheqësi i Koresë së Veriut, Kim Jong-un, do të vizitojë së shpejti Rusinë për një samit me presidentin rus, Vladimir Putin.
Kremlini njoftoi të martën se dy udhëheqësit do të takohen ditën e enjte në Vladivostok.
Mediat raportojnë se vizita e Kimit është pjesë e përpjekjeve të Kim Jong-un për të siguruar mbështetje të jashtme për planet e tij të zhvillimit ekonomik, pas dështimit të samitit të dytë SHBA-Kore e Veriut, si pasojë e mospajtimeve rreth heqjes së sanksioneve ndaj Fenianit.
Udhëheqësi i Phenianit dëshiron lehtësim nga sanksionet e ashpra të Kombeve të Bashkuara që vazhdojnë të jenë në fuqi pas dështimit të bisedimeve bërthamore me Shtetet e Bashkuara.
Por, presidenti Putin mund të mos ofrojë shumë ndihmë në këtë drejtim, ndërkohë takimi mund të ndihmojë në uljen e varësisë që Koreja e Veriut ka ndaj Kinës, si partneri më i madh tregtar i saj.
