Gjykata Evropiane për të Drejtat e Njeriut, ka gjetur se Rusia ishte përgjegjëse për vrasjen e Aleksandër Litvinenkos. Litvinenko, një ish-spiun rus i cili u bë shtetas britanik, vdiq nga helmimi me polonium në 2006 në Londër.
Një hetim publik në Mbretërinë e Bashkuar i kryer në vitin 2016, arriti në përfundimin se vrasja “ndoshta u miratua” nga Presidenti Putin.
Rusia mohon çdo përfshirje në vdekjen e tij.
Kur në nëntorin e vitit 2006, ish-agjenti i shërbimit sekret rus dhe më vonë kundërshtari i Putinit, Aleksander Litvinenko u asgjësua në Londër me helmim me polonium radioaktiv, menjëherë u përhap në botë dyshimi se ky akt është vepër e zyrave shtetërore në Rusi.
Si tregues i rëndësishëm për këtë dyshim ishte shtënia në dorë e poloniumit, një element radioaktiv që nuk e gjejnë dot lehtë njerëzit.
Para eliminimit të tij në Londër, ish-agjenti rus kishte qëndruar në kontakt me dy të dyshuar rusë, Andrej Lugovoj dhe Dmitrij Kovtun. Që të dy këta persona nuk kanë pranuar se janë fajtor në këtë çështje.
Burimi i lajmit: BBC. Përshtatur nga Tirana Today
