Rusia po fillon një mobilizim të pjesshëm të qytetarëve të saj, njoftoi presidenti Vladimir Putin gjatë një fjalimi të shumëpritur para kombit të mërkurën në mëngjes.
“Për të mbrojtur atdheun tonë, sovranitetin dhe integritetin e tij territorial, për të garantuar sigurinë e popullit tonë në territoret e çliruara, e konsideroj të nevojshme të mbështes propozimin e Ministrisë së Mbrojtjes dhe Shtabit të Përgjithshëm për të kryer mobilizim të pjesshëm në Federata Ruse”, tha ai.
Përpjekjet për të filluar mobilizimin e pjesshëm do të fillojnë sot, të mërkurën, njoftoi Putin. Ai tha se tashmë është nënshkruar dekreti për mobilizim të pjesshëm.
“E përsëris, po flasim vetëm për mobilizim të pjesshëm, pra do t’i nënshtrohen rekrutimit vetëm ata shtetas që janë në rezervë dhe mbi të gjitha ata që kanë shërbyer në forcat e armatosura, kanë specialitete të caktuara ushtarake dhe përvojë përkatëse”.
“Pasi regjimi i Kievit refuzoi sot publikisht një zgjidhje paqësore të problemit të Donbasit dhe, për më tepër, shpalli pretendimin e tij për armë bërthamore, u bë absolutisht e qartë se një ofensivë e re e radhës në shkallë të gjerë në Donbas, siç kishte ndodhur tashmë dy herë më parë, ishte e pashmangshme”.
Është e paqartë se çfarë po i referohet Putin me përmendjen e tij të armëve bërthamore.
Burimi i lajmit: CNN. Përshtatur nga Tirana Today
