Presidenti i Rusisë, Vladimir Putin, tha sot se do të rikandidoj në zgjedhjet presidenciale që do të zhvillohen në mars të vitit 2018. Ai deklaroi se ta shpall vendimin zyrtar shumë shpejt. Putin e bëri deklaratën në Moskë gjatë një manifestimi i cili duket se ishte i parapërgatitur, shkruan BBC.
I pyetur nga udhëheqësi i kësaj ceremonie se “a do të garojë në zgjedhje, që do të organizohen më 18 mars”, Putin u përgjigj duke pyetur se nëse publiku i pranishëm, kryesisht i përbërë nga të rinjtë, do ta mbështesnin kandidaturën e tij.
Pas brohoritjeve “po” nga publiku, Putin tha se “në këtë rast, vendimi do të bëhet në të ardhmen e afërt, duke pasur parasysh mbështetjen nga shoqëria”. Kjo deklaratë është transmetuar direkt në televizionin shtetëror.
Për Putin ky është viti i 13-të si President i Rusisë. Për herë të parë Putin është zgjedhur president në 7 maj 2000 dhe ka qëndruar në këtë post deri më 7 maj 2008. Ai është rizgjedhur në postin e presidentit më 7 maj 2012 dhe është akoma Presidet i Rusisë.
Gjithashtu, Putin ka qenë dhe kryeministër i Rusisë nga 8 gushti i vitit 1999 deri më 7 maj të vitit 2000. Pas lënie së mandatit të presidentit ai ka shërbyer si sërish si kryeministër nga maj 2008 deri më 7 maj 2012.
Popullariteti i tij, kontrolli ndaj levave të pushtetit, vitet e hapave për t’i shtypur ata që mendojnë ndryshe dhe margjinalizimi i rivalëve politikë, praktikisht sugjerojnë se ai do të triumfojë. TIRANA TODAY
