Kryeministri britanik, Boris Johnson dhe Carrie Symonds kanë shpërndarë sot për herë të parë foton e djalit të tyre, i cili erdhi në jetë 3 ditë më parë.
Mediat britanike bëjnë me dije se ata kanë vendosur ta quajnë djalin e tyre Wilfred Lawrie Nicholas Jonson.
Raportohet se emri i djalit të kryeministrit ka edhe një pjesë të stafit të mjekëve, që i shpëtuan jetën gjatë periudhës së vështirë që kaloi për shkak të koronavirusit.
Ishte bashkëshortja e Johnson ajo që postoi foton e parë të vogëlushit në Instagram, duke shpjeguar edhe kuptimin e emrit të tij.
“Wilfred Lawrie Nicholas Johnson lindi më 29.04.20 në orën 9:00. Wilfred është emri i gjyshi të Boris. Lawrie është gjyshi im. Nicolas në nder të dy doktorëve, Nick Price dhe Nick Hart, që i shpëtuan jetën Boris muajin e kaluar.
Faleminderit kaq shumë, për ekipin e pabesueshëm të maternitetit NHS në UCLH që u kujdes për ne aq mirë. Nuk mund të isha më i lumtur. Zemra ime është e mbushur plot”, shkruan ajo në postimin e saj.
Boris Johnson u rikthye të hënën në krye të qeverisë, pas një mungesë të gjatë 3 javore për shkak se po trajtohej për koronavirusin.
