Partia Socialiste e ka shpëtuar zyrtarisht Presidentin Ilir Meta nga shkarkimi.
Kuvendi i Shqipërisë ka miratuar me 78 vota pro, 17 kundër dhe 8 abstenim raportin e hartuar nga relatorja socialiste në Komisionin Hetimor për Kreun e Shtetit.
Historia e një viti debat u mbyll sot me rekomandimin për të bërë një ligj organik për institucionin e presidentit.
Raporti u miratua vetëm me votat e shumicës socialiste, pasi opozita parlamentare votoi kundër, duke kërkuar shkarkimin e Metës.
