Sikundër Lulzim Basha edhe kreu i Grupit Parlamantar të Partisë Demokratike, Enkelejd Alibeaj ka qendruar në të njëjtën linjë, për mos përjashtimin e Ornaldo Rakapit. Reagimi i tij vjen pas vendimit të Partisë Socialiste, për të mos përjashtuar Ornaldo Rakapin i sanksionuar nga SHBA, pas shpalljes “non grata” të babait të tij. Alibeaj thotë se akti i sotëm është një provë se Rama e ka të pamundur të ndahet nga “non gratat”, sepse vetëm falë tyre ai arrin të mbajë karrigen e kryeministrit. Sot në mbledhjen e Grupit Parlamentar të PS-së, u vendos që Rakipi të mos largohej nga socialistët me pretendimin se i ati, Aqif Rakipi është shpallur “non grata” për shkak të veprimeve të tij.
Ja çfarë shkruan Alibeaj
Asnjë habi nga ishulli i non grata-ve.
E sotmja ishte prova e radhës se Edi Rama e ka të pamundur të ndahet nga non gratat sepse vetëm falë tyre ai arrin të mbajë karrigen e kryeministrit.
Vendimi i sotëm i grupit parlamentar të PS është qartas dëshmi e pushtetit dhe pengmarrjes që klubi i nongratave ka në politikën shqiptare. PD e ka denoncuar kohë më parë përfshirjen e Aqif Rakipit në procesin e blerjes së votave. Ky fakt i konfirmuar dhe nga Departamenti Amerikan i Shtetit nuk arrit ta bindë Edi Ramen dhe deputetet e tij se votat e blera për llogari të të birit duhet të jenë një alarm për ecurinë normale të parlamentarizmit..
Me avokatinë e sotme ndaj Ornaldo Rakipit, kryeministri dëshmoi qartë se ai është ideatori i masakrës elektorale të 25 prillit. Zbatuesit e kësaj masakre janë grupi i non gratave që sot janë ende aktivë në strukturat e PS. Jo rastësisht dhe në zgjedhjet e pjesshme lokale të 6 marsit, PD denoncoi përfshirjen e Tom Doshit dhe Vangjush Dakos në fushatën për zgjedhjen e kryebashkiakëve.
Askush nuk habitet pra nga ishulli i non grata-ve ku çdo gjë është e vjedhur!
