Partitë politike kanë nisur përgatitjet për zgjedhjet. Një ditë më parë, Partia Demokratike njoftoi nismën e saj për përzgjedhjen e kandidatëve për deputetë dhe kryebashkiakë, përmes përfshirjes së anëtarësisë.
Edhe Partia Socialiste nuk ka ndejtur pas, por ka ndezur motorët e fushatës për zgjedhjet e 2021. Kryetarja e Partisë Socialiste në Tiranë, Elisa Spiropali, që mban edhe postin e ministres së Shtetit për Marrëdhëniet me Parlamentin, njofton se socialistët e kryeqytetit kanë zhvilluar mbledhjen e Këshillit Koordinues të Qarkut Tiranë.
Në këtë takim ishin të pranishëm Taulant Balla dhe Elisa Spiropali, ku u diskutua për planin organizativ si dhe objektivat për zgjedhjet e vitit 2021.
Statusi
Duke ruajtur distancimin social, por duke forcuar dita ditës frymën e ekipit, zhvilluam sot mbledhjen e Këshillit Koordinues të Qarkut Tiranë për të ndezur motorët e fitores sonë në 2021.
Partia Socialiste është e ndërtuar mbi modelin e besimit, frymës dhe punës së njerëzve të zakonshëm. Kjo forcë qëndron si konstrukt në vlerat më të mira të komunikimit, solidaritetit, barazisë gjinore dhe pjesëmarrjes rinore.
Partia Socialiste ka barrën dhe privilegjin të edukojë politikisht me vlerat më të larta njerëzore e politike jo vetëm anëtarët, simpatizantët dhe votuesit e saj,por edhe ata qytetarë shqiptarë që janë pré e çedukimit ku ka rënë ngarkesa e mjerë kulturore opozitare shpifëse dhe përçarëse, ku e vetmja pëlhurë e zbehtë ideologjike mbetet tribalizmi i pashoq dhe gjuha e urrejtjes.
Tirana, Kamza, Kavaja, Rrogozhina dhe Vora, janë gati për të vërtetuar me votë se rruga e transformimit vazhdon?Bashkë??
