Ish-ministri i Financave, Arben Malaj ka reaguar pas lajmit se mazhoranca ka kërkuar shkarkimin e tij nga posti i i anëtarit të Këshillit Mbikëqyrës të Bankës së Shqipërisë.
Raportohet se deputetët e Partisë Socialiste kanë mbledhur 28 firma, ndërsa në letrën e firmosur nga socialistët theksohet se Malaj ka kryer shkelje etike në daljet publike.
Malaj, përmes një postimi në rrjetin e tij social “Facebook”, shkruan se nuk do të bëjë asnjë deklaratë specifike përpara nisjes së ballafaqimit institucional, ndërkohë që tregon disa nga shkaqet që, sipas tij, e kanë shtyrë mazhorancën drejt vendimi të shkarkimit.
Ndërkohë, ish-ministri ka hedhur akuza ndaj numrit dy të PS-së, Taulant Ballës, për të cilin tha se: “Kërcënimet paralajmëruese mi ka dërguar Taulant Balla pas mos pranimit te ndërhyrje se tij edhe me SMS me rekomandime partiake ne proceset përzgjedhjes ne Bordin e Bankës se Shqipërisë. Shqetësimi është i protokolluar ne mbledhjen e Bordit te BSH.”
