Kreu i shtetit, Ilir Meta ka reaguar përmes këshilltarit të tij, Tedi Blushi në lidhje me kërkesën e mazhorancës për shkarkim e tij nga posti i Presidentit.
Përmes një postimi në rrjetet sociale, Blushi e konsideroi ilegjitim Parlamentin aktual, ndërsa shtoi se mocioni i socialistëve, sipas tij kërkon të instalojë “Narko-Republikën”.
“Ilir Meta është zgjedhur President nga një Parlament plotësisht legjitim, jo nga ky i sotmi. Nga momenti që ai është betuar me dorën mbi Kushtetutë i përket vetëm Republikës. Mocioni i “çunave të Shijakut” që kërkon të instalojë “Narko-Republikën” e bandave dhe oligarkëve do të marrë përgjigjen e merituar nga qytetarët e Republikës së Shqipërisë. Shqipëria e para!Shqipëria si gjithë Europa”, tha Blushi.
