Një numër i madh njerëzish kanë qëndruar sot para Dhomave të Specializuara në Hagë, në mbështetje të presidentit të Kosovës Hashim Thaçi.
Ata kanë kënduar dhe brohoritur emrin e Thaçit , në momentin kur ai ka zbritur nga makina dhe ka hyrë në ndërtesën e Gjykatës Speciale.
Sot ata kanë mbajtur në duar fotografi që tregojnë krimet që Serbia ka kryer në Kosovë gjatë luftës së fundit.
“UÇK nuk ka kryer krime. UÇK e ka mbrojtur Kosovën nga kriminelët”, është mbishkrimi i fotografisë.
Thaçi është paraqitur sot për ditën e tretë radhazi për të vijuar intervistimin në zyrën e Prokurorisë Speciale në Hagë.
