Po mbahet sot para Kryeministrisë protesta e opozitës së bashkuar, e cila nisi në orën 18:00. Opozita kërkon rrëzimin e Ramës dhe krijimin e një qeverie tranzitore, si dhe mbajtjen e zgjedhjeve të parakohshme.
Që në nisje të protestës, qytetarët kanë sulmuar godinën e Kryeministrisë, duke qëlluar ndaj saj me domate dhe me bojë të zezë e blu.
Ajo që ka rënë në sy në këtë protestë është prania e flamujve të PD-së, ndërsa protestën e ka hapur kreu i demokratëve, Lulzim Basha.
