Jo vetëm tym i zi, por edhe bojë, domate, lakra e qumësht janë hedhur në këto momente drejt Kryeministrisë. Produktet bujqësore simbolizojnë protestën e fermerëve për rritjen e çmimit të TVSH-së. Në protestë edhe aktorë. Kjo është protesta e 9-të Partisë Demokratike dhe Lëvizjes Socialiste për Integrim, njëherësh protesta e tretë kombëtare.
Pas fjalimit të kreut të opozitës, Lulëzim Basha protestuesit janë përplasur me policinë. Protestuesit kanë carë kordonin e policisë dhe janë ngjitur te oborri i Kryeministrisë. Edhe këtë herë kordoni i policisë edhe pse ishte me një numër të madh është carë me shumë lehtësi.
Nga ana tjetër ish-deputetët e opozitës kanë dalë para turmës së revoltuar dhe kanë kërkuar që të largohen nga shkallët e Kryeministrisë për të mos e tensionuar situatën.
