Opozita e bashkuar ka zgjedhur një skenografi krejt ndryshe për protestën e shtatë kombëtare. Po kështu, opozita pritet të lëshojë drejt qiellit edhe tullumbace ngjyrë të bardhë, ku shkruhet “IK”, kërkesë kjo e opozitës së bashkuar për largimin e qeverisë Rama, dhe krijimin e një qeverie tranzitore që do të çojë vendin në zgjedhje të lira.
Protestuesit e opozitës kanë marrë masa kundra shiut, ku në foto shihet se një pjesë e tyre kanë veshur mushama.
Si në tarracën e Kryeministrisë, dhe në atë të godinës së Parlamentit janë pozicionuar efektivët e gardës, të cilët në çdo protestë, kur ka pasur tentativa për të hapur derën e godinës së qeverisë, kanë shpërndarë nga lart turmat me gaz lotsjellës.
Efektivët e gardës janë pozicionuar edhe në majat e larta, si tek kullat binjake edhe tek Hotel Rogner.
