Kreu i qeverisë Edi Rama ka “sfiduar” protestuesit, duke zhvilluar një takim me fermerët në Durrës.
Pak çaste më parë, dhjetra qytetarë u mblodhën përpara Sheshit “Skënderbej”, aty ku është edhe pika e takimit për nisjen e protestës kombëtare të paralajmëruar, që ka si destinacion vendosjen përpara Kryeministrisë.
Protesta e sotme është paralajmëruar 24 orëshe, ku organizatorët janë shprehur se nuk do të largohen pa i’u plotësuar kërkesat nga ana e qeverisë, për uljen e taksave dhe të çmimeve.
Ndërsa në një pjesë të Tiranës po protestohet, kryeministri Edi Rama vijon me agjendën e tij. Ai po zhvillon një takim me fermerët, për masat e ndërmarra nëpërmjet Paketës së Rezistencës Sociale.
Gjatë fjalës së tij, Rama tha se bujqësia sot është nuk krahasohet me atë që ishte para 8 vitesh.
“Ka shumë diskutime, debate për bujqësinë, sot dhe prej shumë kohësh sepse një pjesë flasin mbi bazën e fakteve, ndërsa një pjesë nga opinione krijuar nga mediat që më shumë priren për keq”, tha Rama.
