Kryeministri Rama pritet që në orën 11 te mbërrijë në Elbasan ku do të zhvillohet edhe takimi “Bashkia që Duam”.
Mbështetës të PD e protestues janë mbledhur sot në rrugën Elbasan-Tiranë, pranë Bradasheshit, për të penguar kalimin e Ramës. Ka pasur edhe përplasje të forta mes protestuesve me policinë dhe forcave speciale të ardhura enkas nga Tirana.
Protestuesit thonë se kryeministri nuk është i mirëpritur në Elbasan pasi, sipas tyre, qeveria e tij nuk ka bërë asgjë nga ajo që ju kishte premtuar elbasanasve.
Kryeministri Rama u prit me protesta edhe nga mbështetësit e PD, një ditë më parë. Duke folur për ngjarjen, ai tha se një gjë e tillë nuk ndodhte kur PD-në e drejtonte Berisha, por se ndodh vetëm tani kur “Luli e Mona” janë bashkë.
