Partitë opozitare po zhvillojnë protestën e radhës, e cila nuk mbahet përpara Kryeministrisë dhe Kuvendit, por në akset kryesore që lidhin Jugun dhe Veriun e vendit me kryeqytetin për të bllokuar qarkullimin.
Ndërkohë, kreu i PD-së, Lulzim Basha ka mbërritur në Milot, ku ka nisur marshimin bashkë me protestuesit e tjerë, ndërsa kryetarja e LSI-së, Monika Kryemadhi, e shoqëruar nga Sekretari i Pergjithshem i LSI Endrit Braimllari, ish-deputetët Nasip Naço dhe Nora Malaj, janë te rrethrrotullimi i Plepave ne Durrës.
Po ashtu, bllokim rrugësh ka në të gjithë Shqipërinë, në Tiranë tek Shqiponja; në Durrës tek Plepat; në Fier-Sheq dhe në Bradashesh-Elbasan.
