Parlamenti i Holandës ditë më parë votoi pro kthimit të regjimit të vizave për shqiptarët , por ky vendim nuk është pritur mirë në vendin tonë.
Shoqëria Civile, ka paralajmëruar për një protestë para ambasadës së Holandës në Tiranë këtë të shtunë duke kritikuar nismën e ndërmarrë nga parlamenti holandez.
Nga ana tjetër, Policia e Shtetit është angazhuar në marrjen e masave për garantimin e rendit dhe të sigurisë.
Sipas përfaqësuesve të Shoqërisë Civile, në protestë do të jenë 10-15 persona të cilët do të mbajnë pankarta me slogane demokratike, të cilat në thelb do kundërshtojnë një vendim për kthim vizash për shqiptarët.
“TURP! Jo Viza për Shqiptarët por për Qeveritarët e Pushtetit të “MJAFT” & SOROS që na sollën të gjitha Qeveritë Holandeze nga viti 2003 e deri më sot!
Sps MAFJEN SHQIPTARE në Holandë nuk e pollën shqiptarët por Mafia Qeveritare Soros me sponsorizimin zyrtar të Qeverive Holandeze!”, thuhet në reagimin e Shoqërisë Civile.
