Ashtu siç ishte paralajmëruar, qindra mijëra qytetarë kanë dalë në protestë në Athinë, ku kundërshtojnë marrëveshjen mes Greqisë dhe Maqedonisë, për përdorimin e emrit të kësaj të fundit.
Sipas medieve greke, manifestimi cilësohet si më i madhi i 20 viteve të fundit. Qindra autobusë vërshuan drejt kryeqytetit që në orët e para të mëngjesit dhe dhjetëra të tjerë mbërritën me trene dhe tragete nga Pireu.
Nga ana tjetër, 19000 forca policore greke janë angazhuar për mbarëvajtjen e protestës dhe për shmangien e dhunës, ndërsa janë mbyllur stacionet e metrosë Syntagma, Omonia, Panepistimio. Një nga drejtuesit e marshimit, Michalis Patsikas ka deklaruar se përmes kësaj proteste synohet të dërgohet një mesazh i qartë brenda dhe jashtë Greqisë.
Greqia përballet një kohë të gjatë me konfliktin për emrin me vendin fqinj për emrin “Maqedonia”.
Kjo ndodhi pas Maqedonia fitoi pavarësinë më 1991. Negociatori i Kombeve të Bashkuara, Mattheë Nimetz ka shprehur optimizëm për vendet fqinje të Ballkanit duke përmendur këtë vit si kohën e zgjidhjes së kontestit.
Liderët e të dy vendeve kanë thënë se kanë arritur përparim në zgjidhjen e problemit, duke përmendur shtimin e ndonjë prej parashtesave ‘e madhe’, ‘e re’ apo ‘veriore’ në emrin e Maqedonisë.
